Дэкрэт №3 "Аб садзейнічанні занятасці насельніцтва"

Папярэдні запіс на пасяджэнне камісіі ажыццяўляецца ў працоўныя дні з 8.00 да 17.00, абедзенны перапынак з 13.00 -14.00 Ленінская, д. 12, кабінет № 11 (будынак райвыканкама, 1 паверх) або па тэлефоне 8 (02158) 5-74-14, 5 73 51. Сакратар камісіі - Спірыдзёнак Кацярына Васільеўна.
Электронны адрас камісіі: ushrik_d3@vitebsk.by

Графік прыёму грамадзян па рэалізацыі Дэкрэта Прэзідэнта Рэспублікі Беларусь ад 2 красавіка 2015г. № 3 «Аб садзейнічанні занятасці насельніцтва» на 2019 год

Асноўнай задачай камісіі з'яўляецца каардынацыя работы па рэалізацыі нормаў Дэкрэта № 3, у тым ліку:
- аказанне кансультатыўнай, метадычнай і прававой дапамогі па пытаннях працаўладкавання і (або) самазанятасці;
- арганізацыя працы па інфармаванні (паведамлення) грамадзян аб тым, што інфармацыя пра іх утрымліваецца ў базе данных працаздольных грамадзян, якія не заняты ў эканоміцы;
- фарміраванне спіса працаздольных грамадзян, не занятых у эканоміцы, якія аплачваюць паслугі, якія вызначаюцца Саветам Міністраў Рэспублікі Беларусь, па цэнах (тарыфах), якія забяспечваюць поўнае пакрыццё эканамічна абгрунтаваных выдаткаў на іх аказанне;
- разгляд заяў працаздольных грамадзян, не занятых у эканоміцы, або членаў іх сем'яў аб поўным або частковым вызваленні такіх працаздольных грамадзян ад аплаты паслуг з кампенсацыяй выдаткаў у сувязі са знаходжаннем у цяжкай жыццёвай сітуацыі, прадстаўленых па форме, у адпаведнасці з заканадаўствам аб адміністрацыйных працэдурах;
- каардынацыя шырокамаштабнай інфармацыйнай работы па растлумачэнні сацыяльна-працоўных гарантый, якія прадстаўляюцца дзяржавай грамадзянам, арыентацыі грамадзян на ажыццяўленне легальнай дзейнасці;
- арганізацыя і каардынацыя работы зацікаўленых органаў і арганізацый па правядзенні прафілактычнай работы, накіраванай на рэсацыялізацыю асоб, якія вядуць асацыяльны лад жыцця;
- правядзенне іншых мерапрыемстваў у рамках рэалізацыі Дэкрэта № 3.

Правы камісіі:
- прымаць рашэнні аб поўным або частковым вызваленні працаздольных грамадзян, не занятых у эканоміцы, ад аплаты паслуг з кампенсацыяй выдаткаў у сувязі са знаходжаннем у цяжкай жыццёвай сітуацыі па іх заявах або аб адмове ў такім вызваленні;
- накіроўваць працаздольных грамадзян, не занятых у эканоміцы, у органы па працы, занятасці і сацыяльнай абароне для аказання ім садзейнічання ў працаўладкаванні;
- прымаць рашэнні аб неабходнасці накіравання працаздольных непрацуючых грамадзян, якія вядуць асацыяльны лад жыцця, у лячэбна-працоўныя прафілакторыі;
- запытваць у дзяржаўных органаў і іншых арганізацый незалежна ад формы ўласнасці, службовых асоб інфармацыю па пытаннях, якія адносяцца да дзейнасці камісіі;
- узаемадзейнічаць з наймальнікамі па пытаннях працаўладкавання на часовую і (або) пастаянную работу на існуючыя вакансіі і створаныя працоўныя месцы працаздольных грамадзян, якія не заняты ў эканоміцы;
- рэалізоўваць іншыя правы ў адпаведнасці з заканадаўствам.

Працаздольнымі грамадзянамі Рэспублікі Беларусь, замежнымі грамадзянамі і асобамі без грамадзянства, якія атрымалі дазвол на пастаяннае пражыванне ў Рэспубліцы Беларусь і від на жыхарства ў Рэспубліцы Беларусь (далей – грамадзяне), не занятымі ў эканоміцы, з'яўляюцца грамадзяне ва ўзросце ад 18 гадоў да агульнаўстаноўленага пенсійнага ўзросту, якія не адносяцца да наступных катэгорый асоб:
грамадзяне, якія лічацца занятымі ў эканоміцы ў адпаведнасці з пунктам 3 Палажэння, зацверджанага пастановай Савета Міністраў РБ ад 31.03.2018 г. № 239;
грамадзяне, якія не адносяцца да працаздольных грамадзян, якія не заняты ў эканоміцы, у адпаведнасці з пунктам 4 Палажэння, зацверджанага пастановай Савета Міністраў РБ ад 31.03.2018 г. № 239.