У Беларусі з 1 ліпеня пачынаецца прыём заяў на аднаразовую выплату для шматдзетных сем'яў

1 ліпеня, Мінск /Кар. БЕЛТА/. У шэрагу рэгіёнаў Беларусі з 1 ліпеня пачынаецца прыём заяў на аднаразовую выплату для шматдзетных сем'яў. Аб гэтым карэспандэнту БЕЛТА паведамілі ў прэс-службе Міністэрства працы і сацыяльнай абароны.

У ведамстве адзначылі, што такая выплата належыць сем'ям з трыма і больш дзецьмі да 18 гадоў (даход не мае значэння). Яе памер складзе 30 працэнтаў ад бюджэту пражытачнага мінімуму (БПМ) на 1 жніўня 2025 года на кожнае дзіця-школьніка.

Каб падаць заяву, неабходна звяртацца ў органы сацыяльнай абароны па месцы жыхарства. У Мінску і некаторых раёнах Брэсцкай, Віцебскай і Гродзенскай абласцей - па месцы вучобы дзіцяці.

Таксама прадугледжана дадатковая дапамога: дзяржаўная адрасная сацыяльная дапамога, дапамога па месцы працы бацькоў у адпаведнасці з калектыўнымі дагаворамі, лакальнымі актамі наймальніка, а таксама дабрачынныя акцыі ("Школьны ранец", "Збяры дзіця ў школу" і інш.).-0-