“Я і мой муж носім розныя прозвішчы. Ці можа ў нашага дзіцяці быць двайное, якое складаецца з нашых?”

На пытанне адказвае начальнік аддзела загса Ушацкага райвыканкама Аляксандра Яўгенаўна СТУКАЛАВА:

– У дадзеным выпадку – нельга. Згодна з артыкулам 69 Кодэкса Рэспублікі Беларусь аб шлюбе і сям’і, прозвішча дзіцяці вызначаецца прозвішчам яго бацькоў. Пры розных – нованароджанаму даецца або татава, або матуліна з іх згоды, а пры адсутнасці апошняй – па ўказанні органа апекі і папячыцельства. Так што двайное прозвішча ў малога можа быць толькі ў тым выпадку, калі яго мае хоць адзін з бацькоў.