• Физкультурно-оздоровительный комплекс "Юность-Ушачи"Физкультурно-оздоровительный комплекс "Юность-Ушачи"
  • Панорама УшачиПанорама Ушачи
  • Обряд "Зажинки"Обряд "Зажинки"
  • Костёл св. Лаврена в г.п. Ушачи и городская танцплощадкаКостёл св. Лаврена в г.п. Ушачи и городская танцплощадка
  • Памятник погибшим воинам и партизанам в г.п. УшачиПамятник погибшим воинам и партизанам в г.п. Ушачи
  • музей народной славы имени Героя Советского Союза В.Е.Лобанкамузей народной славы имени Героя Советского Союза В.Е.Лобанка
  • Мемориальный комплекс «Прорыв»Мемориальный комплекс «Прорыв»
Главная -  Новости -  Новости района

Ці  варта садзіцца ў лодку?

29.01.2020

Кожную зіму ў перыяд адліг і таяння лёду з розных куткоў краіны прыходзяць звесткі аб патануўшых рыбаках. Сёлетняя зіма не песціць рыбаловаў спрыяльнымі ўмовамі – вадаёмы адкрыты ад лёду, аднак не абыходзіцца без трагічных выпадкаў. Грамадзяне насуперак асабістай бяспецы спускаюць на ваду маламерныя судны. У студзені на возеры Асвейскае ў Верхнядзвінскім раёне патанулі 4 мужчыны – 1973, 1981, 1986 і 1991 гадоў нараджэння. Усіх іх чакалі дома жонкі і маленькія дзеці. Але жаданне ўлову, дрэнныя ўмовы надвор’я і ў выніку перакульванне суднаў прывялі да непапраўных трагедый.

Як бачна, ёсць над чым задумацца. Прычыны здарэнняў на вадзе з маламернымі суднамі вядомыя. Перш за ўсё гэта грубыя парушэнні правілаў іх выкарыстання, сярод якіх – адсутнасць выратавальных камізэлек або набыццё іх з неадпаведнай ступенню плывучасці. Часта гэта прыводзіць да таго, што камізэлька не можа выканаць сваю функцыю, бо не разлічана на такія нагрузкі, і чалавек у мокрай зімовай вопратцы проста апускаецца пад ваду. Варта звярнуць асаблівую ўвагу на той факт, што ў цяперашні час тэмпература вады дастаткова нізкая, вецер мае тэндэнцыю да рэзкіх змен і парываў. Нават наяўнасць выратавальнай камізэлькі, зімовага адзення не ўратуе чалавека ад моцнага пераахаладжэння – так здарылася і ў вышэй апісаным выпадку на Верхнядзвіншчыне. У топ парушэнняў таксама ўваходзяць выхад на ваду пры неспрыяльных умовах надвор'я і кіраванне маламерным суднам або знаходжанне ў ім у нецвярозым стане. Усе гэтыя дзеянні цягнуць на адміністрацыйную адказнасць, а ў выпадку аварыйнай сітуацыі могуць прывесці да гібелі людзей.