• Фізкультурна-аздараўленчы комплекс "Юнацтва-Ушачы" Фізкультурна-аздараўленчы комплекс "Юнацтва-Ушачы"
  • Панарама Ушачы Панарама Ушачы
  • Абрад "Зажынкі" Абрад "Зажынкі"
  • Касцёл св. Лаўрэна ў г.п. Ушачы і гарадская танцпляцоўка Касцёл св. Лаўрэна ў г.п. Ушачы і гарадская танцпляцоўка
  • Помнік загінулым воінам і партызанам у г.п. Ушачы Помнік загінулым воінам і партызанам у г.п. Ушачы
  • музей народнай славы імя Героя Савецкага Саюза У.Е.Лабанка музей народнай славы імя Героя Савецкага Саюза У.Е.Лабанка
  • Мемарыяльны комплекс «Прарыў»Мемарыяльны комплекс «Прарыў»
Галоўная -  Навіны -  Навіны рэспублікі

Зарплаты, будаўніцтва жылля, імідж настаўніка - Качанава адказала на пытанні педагогаў Мінска

07.02.2020

Старшыня Савета Рэспублікі Наталля Качанава сустрэлася сёння з педагагічным актывам Мінска. Пытанні, якія задавалі спікеру педагогі, датычыліся зарплат, будаўніцтва жылля і іміджу прафесіі настаўніка, перадае карэспандэнт БЕЛТА.

Сістэма аплаты працы работнікаў бюджэтнай сферы, у тым ліку настаўнікаў, змянілася з 1 студзеня бягучага года. Новаўвядзенні не датычацца памераў заработнай платы, адзначыла Наталля Качанава. "Размова ішла аб спрашчэнні сістэмы разлікаў. Зарплата ні на капейку не можа быць меншай. Калі такія выпадкі ўзнікнуць, мы будзем персанальна канкрэтна разбірацца. Возьмем гэта на кантроль і, калі недзе гэта адбудзецца, то будзе маментальна ліквідавана", - падкрэсліла яна.

Спікер нагадала, што Прэзідэнт паставіў задачу кантраляваць, адсочваць сітуацыю, праводзіць маніторынг пры ўзнікненні пытанняў. І такая работа ідзе.

У час сустрэчы са старшынёй Савета Рэспублікі педагогі ўзнімалі тэмы будаўніцтва жылля, у тым ліку арэнднага, працаўладкавання моладзі. "Малады чалавек, які атрымаў адукацыю, павінен мець работу. Гэта бясспрэчная ісціна. Прэзідэнт заўсёды гаварыў, што першае рабочае месца павінна быць забяспечана", - сказала Наталля Качанава. Урэшце, пытанне, якое задалі сёння старшыні Савета Рэспублікі, датычылася маладых людзей з абмежаванымі магчымасцямі. У Беларусі яны могуць атрымліваць інклюзіўную, прафесійную адукацыю. Педагогаў цікавіла, як ідуць справы з працаўладкаваннем такіх юнакоў і дзяўчат. "Мы разам з Мінпрацы і сацабароны звернем асаблівую ўвагу на тое, каб такія маладыя людзі мелі магчымасць працаўладкавацца, працаваць", - паабяцала спікер.

Шэраг пытанняў датычыўся арганізацыі пазашкольнай работы, гурткоў, для заняткаў у якіх патрэбна тэхніка. "Абавязкова ўсе пытанні, якія датычыліся Мінска, мы абмяркуем са старшынёй Мінгарвыканкама Анатолем Сіваком і потым дадзім адказ тым, хто звяртаўся", - дадала старшыня Савета Рэспублікі.

Наталля Качанава прызналася, што ў яе засталіся вельмі пазітыўныя ўражанні ад сустрэчы, на якую прыйшлі больш як 600 чалавек. Педагогі не толькі задавалі пытанні, але і выступалі з прапановамі, напрыклад, часцей паказваць добрасумленную працу настаўнікаў у СМІ. Спікер з гэтым згодна. Толькі ў Мінску амаль 50 тыс. настаўнікаў, і яны заслугоўваюць таго, каб аб іх гаварылі, лічыць яна.-0-

НАВIНЫ БЕЛАРУСI

2018 год - ГОД МАЛОЙ РАДЗІМЫ
Віцебскі аблвыканкам
80 гадоў Віцебскай вобласці
Фізкультурна-аздараўленчы комплекс "Юнацтва-Ушачы"
 Ушацкая раённая газета "Патрыёт"
Дэкрэт №3 "Аб садзейнічанні занятасці насельніцтва"
УШАЦКАЯ РАЁННАЯ АРГАНІЗАЦЫЯ РГА «БЕЛАЯ РУСЬ»
70-годдзе
Санаторый "Лясныя азёры"
Мемарыяльны комплекс «Прарыў»
Адзіны партал электронных паслуг
Канцэпцыя нацыянальнай бяспекі Рэспублікі Беларусь
Адзіны дзяржаўны рэестр звестак аб банкруцтве
Электронная гандлёвая пляцоўка ТАРГІБЕЛ
Фонд міру
Прафілактыка насілля ў сям'і
Афіцыйны інтэрнэт-партал Прэзідэнта Рэспублікі Беларусь
Сімволіка
Нацыянальны прававы інтэрнэт-партал Рэспублікі Беларусь
 Адзіны дзяржаўны рэгістр юрыдычных асоб і індывідуальных прадпрымальнікаў
Дырэктыва №4
Інстытут