• Фізкультурна-аздараўленчы комплекс "Юнацтва-Ушачы" Фізкультурна-аздараўленчы комплекс "Юнацтва-Ушачы"
  • Панарама Ушачы Панарама Ушачы
  • Абрад "Зажынкі" Абрад "Зажынкі"
  • Касцёл св. Лаўрэна ў г.п. Ушачы і гарадская танцпляцоўка Касцёл св. Лаўрэна ў г.п. Ушачы і гарадская танцпляцоўка
  • Помнік загінулым воінам і партызанам у г.п. Ушачы Помнік загінулым воінам і партызанам у г.п. Ушачы
  • музей народнай славы імя Героя Савецкага Саюза У.Е.Лабанка музей народнай славы імя Героя Савецкага Саюза У.Е.Лабанка
  • Мемарыяльны комплекс «Прарыў»Мемарыяльны комплекс «Прарыў»
Галоўная -  Навіны -  Навіны рэспублікі

Прыкладныя этычныя правілы для педагогаў апублікаваны на сайце Мінадукацыі

14.02.2020

Прыкладныя этычныя правілы педагагічных работнікаў апублікаваны на сайце Міністэрства адукацыі, паведамляе БЕЛТА.

Правілы былі распрацаваны, каб стварыць умовы для спрыяльнага і бяспечнага адукацыйнага асяроддзя, устойлівага развіцця ўстаноў адукацыі. Гэта звод агульных патрабаванняў, якія прад'яўляюцца да педагогаў, незалежна ад займаемай імі пасады. Аснову правіл складаюць прынцыпы педагагічнай этыкі: ненасілля, аўтаноміі, талерантнасці, адказнасці, справядлівасці, паважання правоў і годнасці іншага чалавека, кампетэнтнасці, прыстойнасці.

Пакуль гэта толькі праект дакумента, вынесены на грамадскае абмеркаванне. Ён складаецца з чатырох пунктаў. У першым абазначаны агульныя этычныя патрабаванні. Згодна з імі, педагагічныя работнікі павінны садзейнічаць устойлівай і пазітыўнай маральна-псіхалагічнай абстаноўцы ва ўстанове адукацыі, не дапускаць ацэнак і выказванняў, якія прыніжаюць гонар і годнасць калег, вучняў і іх законных прадстаўнікоў. Праблемы педагагічнай сферы павінны абмяркоўвацца ў паважлівай форме, а рашэнні прымацца ў адкрытых дыскусіях.

Педагогі павінны прытрымлівацца дзелавога стылю адзення. Ім трэба ўмець прызнаваць свае памылкі, не дапускаць публічнага прадузятага абмеркавання ўстановы адукацыі, у тым ліку ў інтэрнэце, не злоўжываць службовым становішчам, не патрабаваць ад вучняў i iх законных прадстаўнiкоў якіх-небудзь паслуг, узнагароды за сваю работу, а таксама прымаць меры па папярэджанні карупцыі.

Узаемаадносіны з вучнямі трэба будаваць на аснове безумоўнага паважання годнасці і недатыкальнасці асобы. Педагогі не павінны размяшчаць у інтэрнэце інфармацыю, якая можа нанесці шкоду здароўю або развіццю вучняў. Таксама нельга дапускаць прымянення да іх фізічнага, маральнага і псіхічнага насілля. Пры выстаўленні ацэнак настаўніку варта быць аб'ектыўным і справядлівым. Ён не павінен публічна крытыкаваць асобу вучняў і іх законных прадстаўнікоў.

Размова з законнымі прадстаўнікамі павінна быць адкрытай, паважлівай і добразычлівай. Нельга дапускаць, каб арганізацыйная, фінансавая і іншая падтрымка, якая аказваецца ўстанове адукацыі законнымі прадстаўнікамі вучняў, уплывала на адносіны да іх педагогаў. Нельга выдаваць меркаванне вучняў аб сваіх бацьках і наадварот.

Акрамя таго, асобным пунктам абазначаны этычныя патрабаванні ва ўзаемаадносінах паміж педагогамі. Яны павінны добрасумленна і якасна выконваць прафесійныя абавязкі, клапаціцца пра прэстыж прафесіі, паважаць гонар і годнасць калег, помніць аб маральнай адказнасці за размешчаныя ў інфармацыйнай прасторы каментарыі аб установе адукацыі і адукацыйнай сферы ў цэлым. Педагогі павінны імкнуцца да ўзаемадзеяння, паважаць інтарэсы адзін аднаго, не дапускаць нетактоўнага ўмяшання ў асабістае жыццё калег. Ім не варта праяўляць зайздрасць, нядобразычлівасць, абвінавачваць калег у недасведчанасці.-0-

НАВIНЫ БЕЛАРУСI

2018 год - ГОД МАЛОЙ РАДЗІМЫ
Віцебскі аблвыканкам
80 гадоў Віцебскай вобласці
Фізкультурна-аздараўленчы комплекс "Юнацтва-Ушачы"
 Ушацкая раённая газета "Патрыёт"
Дэкрэт №3 "Аб садзейнічанні занятасці насельніцтва"
УШАЦКАЯ РАЁННАЯ АРГАНІЗАЦЫЯ РГА «БЕЛАЯ РУСЬ»
70-годдзе
Санаторый "Лясныя азёры"
Мемарыяльны комплекс «Прарыў»
Адзіны партал электронных паслуг
Канцэпцыя нацыянальнай бяспекі Рэспублікі Беларусь
Адзіны дзяржаўны рэестр звестак аб банкруцтве
Электронная гандлёвая пляцоўка ТАРГІБЕЛ
Фонд міру
Прафілактыка насілля ў сям'і
Афіцыйны інтэрнэт-партал Прэзідэнта Рэспублікі Беларусь
Сімволіка
Нацыянальны прававы інтэрнэт-партал Рэспублікі Беларусь
 Адзіны дзяржаўны рэгістр юрыдычных асоб і індывідуальных прадпрымальнікаў
Дырэктыва №4
Інстытут