• Фізкультурна-аздараўленчы комплекс "Юнацтва-Ушачы" Фізкультурна-аздараўленчы комплекс "Юнацтва-Ушачы"
  • Панарама Ушачы Панарама Ушачы
  • Абрад "Зажынкі" Абрад "Зажынкі"
  • Касцёл св. Лаўрэна ў г.п. Ушачы і гарадская танцпляцоўка Касцёл св. Лаўрэна ў г.п. Ушачы і гарадская танцпляцоўка
  • Помнік загінулым воінам і партызанам у г.п. Ушачы Помнік загінулым воінам і партызанам у г.п. Ушачы
  • музей народнай славы імя Героя Савецкага Саюза У.Е.Лабанка музей народнай славы імя Героя Савецкага Саюза У.Е.Лабанка
  • Мемарыяльны комплекс «Прарыў»Мемарыяльны комплекс «Прарыў»
Галоўная -  Навіны -  Навіны рэспублікі

Беларусь прапануе Кітаю актывізаваць развіццё прамых кантактаў паміж рэгіёнамі

04.04.2019

У Савеце Рэспублікі бачаць добрыя перспектывы для развіцця кантактаў паміж рэгіёнамі Беларусі і Кітая. Беларускія парламентарыі прапануюць кітайскім калегам актывізаваць работу ў гэтым напрамку. Новыя магчымасці абмяркоўваліся сёння на сустрэчы віцэ-спікера Савета Рэспублікі, старшыні Беларускага саюза жанчын Мар'яны Шчоткінай з намеснікам старшыні Пастаяннага камітэта Усекітайскага сходу народных прадстаўнікоў, старшынёй Усекітайскай федэрацыі жанчын Шэнь Юэюэ, перадае карэспандэнт БЕЛТА.

Мар'яна Шчоткіна адзначыла, што ў Савеце Рэспублікі, палаце тэрытарыяльнага прадстаўніцтва, бачаць відавочныя перспектывы ў развіцці прамых кантактаў паміж рэгіёнамі. У гэтым напрамку ўжо набыты добры вопыт, плённае супрацоўніцтва з беларускімі рэгіёнамі наладзілі правінцыі Гуандун, Цзянсу, Хунань і горад Чунцын. "Такое ўзаемадзеянне дае рэальную аснову для развіцця супрацоўніцтва. Міжпарламенцкія групы дружбы гатовы актывізаваць усе працэсы ўзаемадзеяння паміж рэгіёнамі", - дадала віцэ-спікер.

У час сустрэчы абмяркоўвалася шырокае кола пытанняў, у тым ліку якія датычацца развіцця Кітайска-беларускага індустрыяльнага парка "Вялікі камень", дзе пабывала 2 красавіка парламенцкая дэлегацыя на чале з Шэнь Юэюэ. Разглядаліся таксама перспектывы гуманітарнага ўзаемадзеяння. Так, Мар'яна Шчоткіна папрасіла кітайскіх калег садзейнічаць адкрыццю ў Мінску карпункта цэнтральнага кітайскага тэлеканала. На думку віцэ-спікера, гэта дало б магчымасць кітайскім грамадзянам больш даведацца пра Беларусь, садзейнічала б прыцягненню турыстаў і ўмацаванню двухбаковага супрацоўніцтва ў цэлым.

Абмяркоўвалася і ўзаемадзеянне паміж БСЖ і Усекітайскай федэрацыяй жанчын. Грамадскія аб'яднанні маюць намер унесці свой уклад у развіццё двухбаковых адносін, плануюць падпісаць пагадненне.

Як адзначалася ў час сустрэчы, з 2016 года, калі Прэзідэнт Беларусі Аляксандр Лукашэнка і Старшыня КНР Сі Цзіньпін падпісалі сумесную дэкларацыю аб устанаўленні адносін давернага ўсебаковага стратэгічнага партнёрства і ўзаемавыгаднага супрацоўніцтва, для дзвюх краін пачалася новая эпоха. Яе характарызуе актывізацыя ўзаемадзеяння ва ўсіх напрамках, у тым ліку парламенцкім.

Намеснік старшыні Пастаяннага камітэта Усекітайскага сходу народных прадстаўнікоў на перагаворах у Савеце Рэспублікі падкрэсліла, што кітайскі бок гатовы прыкладаць сумесныя з беларускімі калегамі намаганні для рэалізацыі ўсіх дамоўленасцей, дасягнутых кіраўнікамі дзвюх краін. Шэнь Юэюэ таксама выказала ўпэўненасць у паспяховым развіцці супрацоўніцтва жаночага руху Беларусі і Кітая.

Новости Беларуси (БЕЛТА)

2018 год - ГОД МАЛОЙ РАДЗІМЫ
Віцебскі аблвыканкам
80 гадоў Віцебскай вобласці
Фізкультурна-аздараўленчы комплекс "Юнацтва-Ушачы"
 Ушацкая раённая газета "Патрыёт"
Дэкрэт №3 "Аб садзейнічанні занятасці насельніцтва"
УШАЦКАЯ РАЁННАЯ АРГАНІЗАЦЫЯ РГА «БЕЛАЯ РУСЬ»
70-годдзе
Санаторый "Лясныя азёры"
Мемарыяльны комплекс «Прарыў»
Адзіны партал электронных паслуг
Канцэпцыя нацыянальнай бяспекі Рэспублікі Беларусь
Адзіны дзяржаўны рэестр звестак аб банкруцтве
Электронная гандлёвая пляцоўка ТАРГІБЕЛ
Фонд міру
Прафілактыка насілля ў сям'і
Афіцыйны інтэрнэт-партал Прэзідэнта Рэспублікі Беларусь
Сімволіка
Нацыянальны прававы інтэрнэт-партал Рэспублікі Беларусь
 Адзіны дзяржаўны рэгістр юрыдычных асоб і індывідуальных прадпрымальнікаў
Дырэктыва №4
Інстытут