• Фізкультурна-аздараўленчы комплекс "Юнацтва-Ушачы" Фізкультурна-аздараўленчы комплекс "Юнацтва-Ушачы"
  • Панарама Ушачы Панарама Ушачы
  • Абрад "Зажынкі" Абрад "Зажынкі"
  • Касцёл св. Лаўрэна ў г.п. Ушачы і гарадская танцпляцоўка Касцёл св. Лаўрэна ў г.п. Ушачы і гарадская танцпляцоўка
  • Помнік загінулым воінам і партызанам у г.п. Ушачы Помнік загінулым воінам і партызанам у г.п. Ушачы
  • музей народнай славы імя Героя Савецкага Саюза У.Е.Лабанка музей народнай славы імя Героя Савецкага Саюза У.Е.Лабанка
  • Мемарыяльны комплекс «Прарыў»Мемарыяльны комплекс «Прарыў»
Галоўная -  Навіны -  Навіны раёна

Пра дарогі, смецце і кірмаш

15.04.2019

Вёска Качаны Жарскага сельсавета, якая размясцілася непадалёк ад “Лясных азёр”, невялікая і па памерах, і па колькасці жыхароў, ёсць тут і тыя, хто пражывае пастаянна, і дачнікі. Большасць з іх дружна сабралася на выязны прыём грамадзян, які на мінулым тыдні праводзіла намеснік старшыні райвыканкама А.В.Пашковіч.

Пачалася ж сустрэча не з набалелых пытанняў, а размовай аб справах у раёне. Алена Васільеўна абмеркавала з прысутнымі дэмаграфічную абстаноўку на Ушаччыне, медыцынскае і сацыяльнае абслугоўванне, паведаміла пра будаўніцтва новых аб’ектаў, аб падрыхтоўцы да святкавання знакавых юбілейных дат. Была засяроджана ўвага на тэме навядзення парадку, у гэтым плане Качаны выглядаюць даволі прыстойна. “Наводзячы парадак, ні ў якім разе не трэба брацца за запалкі. У вобласці склалася вельмі напружаная сітуацыя з выпальваннем сухой расліннасці, пажарамі па гэтай прычыне, у тым ліку і ў нашым раёне. Не рызыкуйце, ігнаруючы ўстаноўленыя правілы”, – заклікала Алена Васільеўна. Таксама яна папрасіла з разуменнем адносіцца і да абследаванняў домаўладанняў суб’ектамі прафілактыкі.

Агучылі вяскоўцы і некалькі хвалюючых іх пытанняў. Адно з іх датычылася вывазу смецця. У прыватнасці, жыхары Качаноў прасілі паставіць у населеным пункце кантэйнеры. Як патлумачыла старшыня Жарскага сельвыканкама С.Ц.Міхейка, перашкод для гэтага няма, адзінае – усе жыхары павінны заключыць дагаворы з жыллёва-камунальнай гаспадаркай на вываз смецця, а потым адпаведна аплачваць гэтую паслугу. Трэба сказаць, што кошт яе не ўдарыць па кішэні, бо складае каля трох рублёў з чалавека. Калі ўсе качаноўцы будуць згодны з такім раскладам спраў, то спецыялісты службы прыедуць прама ў населены пункт для заключэння дагавораў.

Прасілі грамадзяне звярнуць увагу і на пад’езд ад Вашкова да вёскі: ушчыльную да дарогі падступіла кустоўе і на паваротах наступныя метры зусім дрэнна праглядваюцца, што вельмі небяспечна для ўдзельнікаў дарожнага руху. “Зімой ад снегу кусты нахіляліся нізка над дарогай, а зараз наогул усё зазелянее і бачнасць яшчэ пагоршыцца”, – сцвярджалі вяскоўцы. Што гэта сапраўды так, прадстаўнікі ўлады заўважылі яшчэ да пачатку прыёму. Выправіць сітуацыю даручана дарожнай службе, пытанне ўзята на кантроль. Дарожнай тэмы датычылася і просьба па магчымасці адрамантаваць масток у вёсцы.

Цікавіла яе жыхароў правядзенне вясенняга кірмашу ў гарпасёлку, а дакладна – наяўнасць у продажы зерня. Атрымаўшы станоўчы адказ, выказалі пажаданне на гэты і наступныя разы, каб збожжавыя рэалізоўваліся ў расфасаваным выглядзе: “Затрачваецца менш часу на працэс рэалізацыі і на чаканне ў чарзе! Гэта ж зручней і гаспадаркам, і пакупнікам!”

У працяг тэмы гандлёвага абслугоўвання прагучала і пытанне наконт таго, ці з’явіцца ва Ушачах “Еўраопт”. Раён не ставіць для прыватнікаў ніякіх перашкод, дадзена згода і вызначана месца для будаўніцтва буйной гандлёвай кропкі накшталт “Еўраопта”, а таму гэта справа часу.

Былі абмеркаваны і некаторыя іншыя пытанні. Па ўсіх іх прысутныя атрымалі тлумачэнні і парады.

В.КАМАРКОВА.

2018 год - ГОД МАЛОЙ РАДЗІМЫ
Віцебскі аблвыканкам
80 гадоў Віцебскай вобласці
Фізкультурна-аздараўленчы комплекс "Юнацтва-Ушачы"
 Ушацкая раённая газета "Патрыёт"
Дэкрэт №3 "Аб садзейнічанні занятасці насельніцтва"
УШАЦКАЯ РАЁННАЯ АРГАНІЗАЦЫЯ РГА «БЕЛАЯ РУСЬ»
70-годдзе
Санаторый "Лясныя азёры"
Мемарыяльны комплекс «Прарыў»
Адзіны партал электронных паслуг
Канцэпцыя нацыянальнай бяспекі Рэспублікі Беларусь
Адзіны дзяржаўны рэестр звестак аб банкруцтве
Электронная гандлёвая пляцоўка ТАРГІБЕЛ
Фонд міру
Прафілактыка насілля ў сям'і
Афіцыйны інтэрнэт-партал Прэзідэнта Рэспублікі Беларусь
Сімволіка
Нацыянальны прававы інтэрнэт-партал Рэспублікі Беларусь
 Адзіны дзяржаўны рэгістр юрыдычных асоб і індывідуальных прадпрымальнікаў
Дырэктыва №4
Інстытут