• Фізкультурна-аздараўленчы комплекс "Юнацтва-Ушачы" Фізкультурна-аздараўленчы комплекс "Юнацтва-Ушачы"
  • Панарама Ушачы Панарама Ушачы
  • Абрад "Зажынкі" Абрад "Зажынкі"
  • Касцёл св. Лаўрэна ў г.п. Ушачы і гарадская танцпляцоўка Касцёл св. Лаўрэна ў г.п. Ушачы і гарадская танцпляцоўка
  • Помнік загінулым воінам і партызанам у г.п. Ушачы Помнік загінулым воінам і партызанам у г.п. Ушачы
  • музей народнай славы імя Героя Савецкага Саюза У.Е.Лабанка музей народнай славы імя Героя Савецкага Саюза У.Е.Лабанка
  • Мемарыяльны комплекс «Прарыў»Мемарыяльны комплекс «Прарыў»
Галоўная -  Навіны -  Навіны раёна

Мяккія санкі – жорсткія траўмы

14.01.2019

Катанне з горак на надзіманых санках (цюбінгах) стала апошнім часам адной з самых папулярных зімовых забаў. “Вось якую добрую рэч прыдумалі! Мякка ехаць, нічога не паб’еш, не тое што на звычайных мулкіх санках!” – даводзілася чуць ад бацькоў, што прыйшлі з малышамі на снежную горку ля Ушацкай школы. Праўда, гэтую “эйфарыю” істотна знізілі паведамленні пра няшчасныя выпадкі, што адбыліся падчас катання ў розных месцах Беларусі. Іх вынікам сталі траўмы і нават смерць дзяцей, як гэта здарылася, напрыклад, нядаўна з хлопчыкам пад Мінскам. Ёсць і зусім свежы прыклад – некалькі дзён таму полацкі школьнік атрымаў траўму галавы, уехаўшы на цюбінгу ў дрэва.

Паважаныя дарослыя, абавязкова суправаджайце сваіх дзяцей падчас такіх забаў. Майце на ўвазе, што мяккія санкі маюць вялікую хуткасць і імі амаль немагчыма кіраваць. Упэўніцеся, што на трасе няма небяспечных аб’ектаў, што яе схіл не надта круты. Сачыце, каб дзеці трымаліся за рамяні, не з’язджалі спіной да гары ці ўніз галавой, чакалі, пакуль траса стане свабоднай і не будзе небяспекі сутыкнуцца з іншымі. Будзьце вельмі пільнымі, каб забава не стала трагедыяй!

Н.БАГДАНОВІЧ.